Ka nisur me debate të ashpra mbledhja Komisionit Hetimor për sistemin TIMS, mesditën e kësaj të hëne.
Ka qënë deputeti i PS-së Toni Gogu, ai i cili i tha kryetarit të Komisionit Ervin Salianji se plani i hetimit nuk ndërtohet me montazhe.
Ndërsa ky i fundit ja kthej se deputetët e PS bëjnë zhurmë, pasi i ka zënë halli.
Gogu: Kërkesa jonë Salianj është shumë e thjeshtë.
Salianji: E di që kërcen Gogu nga belaja! Nuk e prish dot komisionin, pse doni të bëni zhurmuesin.
Gogu: Të marrësh diskutimet e kolegëve dhe t’i montosh në planin paraprak të hetimit është falsifikim.
Salianji: Mos u bëj zhurmues.
Gogu: Ky ligj e tregon qartë se si bëhet plani paraprak. PS e kupton rolin e Komision hetimor të drejtësisë dhe hallin tonë. Ti do të bëhesh gjyqtar i Sali Berishës. Do ta zbresësh nga ballkoni.
