Grupet kriminale që merren me transportin e kokainës kanë qënë kryefjala e një raporti të publikuar së fundmi nga Europol.
Në raport përmendet rasti i një shtetasi argjentinas dhe një shqiptari të cilët siguronin transportin e kokainës nga Kolumbia dhe shpërndarjen e mëtejshme në Europë, duke përdorur si kamuflim kompanitë për transportin e bananeve.
“Kreu i një rrjeti kriminal, një biznesmen italian me origjinë argjentinase me banim në Marbella, përdori kompaninë e tij për të fshehur si trafikun e drogës ashtu edhe aktivitetet e pastrimit të parave. Ai menaxhon disa kompani, duke përfshirë një importues të bananeve nga Ekuadori në BE.
Ai gjithashtu zotëron qendra sportive në Marbella, qendra komerciale në Granada dhe bare dhe restorante të shumta. Një bashkëpunëtor shqiptar, me qendër në Ekuador, kujdeset për importin e kokainës nga Kolumbia në Ekuador dhe shpërndarjen e mëvonshme në BE. Kompanitë e frutave ekuadoriane përdoren si front për këto veprimtari kriminale”, thuhet në raport.
