‘Rehabilitimi’ qendrës Kinostudio’ ishte një nga tenderat më të shtrenjtë që u hap në kohën e zgjedhjeve lokale të 14 majit. Vlera e fondit limit të tenderit ishte 5.6 milion euro dhe fitues’ tij u zgjodh bashkimi’ operatorëve, Bami shpk dhe 5D Konstruksion, me ofertën 3.5 milionë euro.
Ky projekt synonte që të rehabilitonte të gjithë zonën që shtrihet përgjatë rrugës ‘Aleksandër Moisiu’ , kryesisht sheshin në qendër të saj. Sipas projektit në fjalë, do të sistemoheshin të gjitha fasadat e pallateve dhe godinave, që rrethojnë sheshin, duke përfshirë lyerjen e tyre dhe vendosjen e sistemit kapotë.
Mirëpo banorët e kësaj zone treguan për ‘Piranjat’ , se sistemi kapot është vendosur vetëm në godinat e vjetra dy dhe pesë katëshe, ndërkohë që pallatet e rinj ende nuk janë rregulluar. Po ashtu banorët thanë se punimet që janë kryer për rehabilitimin e çative të godinave 2-katëshe kanë lënë dëmtime të mëdha në disa banesa.
Sipas dokumenteve të tenderit, kur projekt do të realizohej në fund të vitit 2023. Mirëpo, kjo gjë nuk ndodhi, pasi sipas Bashkisë së Tiranës, ka pasur disa probleme me spostimin e shtyllave elektrike të OSHEE, akordimin me ARRSH-në dhe pengesa në shembjen e disa objekteve.
Por, SPAK, që arrestoi së fundmi disa drejtorë të Bashkisë Tiranë, mes tyre Mariglen Qaton dhe Redi Mollën, ka zbuluar se problemet qëndrojnë diku tjetër. Sipas SPAK, pavarësisht se kompania 5D Konstruksion, që ka fituar këtë tender, zyrtarisht prezantohej me një administrator tjetër, në të vërtetë ishte në pronësi të dy drejtorëve të përmendur më lart. Qato dhe Molla, si drejtues të lartë në bashki,’ kanë dhënë vetes disa tendera me miliona lekë, por për të fituar sa më shumë, ata nuk kanë menduar në asnjë moment për të realizuar punën e tyre siç duhet. Në rastin e ‘Rehabilitimit të Qendrës Kinostudio’ , drejtuesit në fjalë kanë angazhuar mjetet e punës dhe burimet njerëzore edhe në projekte të tjera, të fituara me autoritet kontraktor Bashkinë e Tiranës. Për këtë arsye, rehabilitimi i ‘ Kinostudios, duket se nuk do të përfundojë as në qershor të 2024, që sipas bashkisë është afati’ fundit për realizimin e këtij projekti pas shtimit të kontratës.
Edhe vetë banorët e zonës nuk kishin shpresë për përfundimin e këtij projekti brenda muajit qershor, pasi sipas tyre në kantierin e ndërtimit gjen gjithmonë vetë 2-3 punëtorë.
/Emisioni Piranjat
