Është ndarë nga jeta ish-deputeti i Partisë Demokratike, Emanuel Heba. Ai ka qenë pjesë e Kuvendit të Shqipërisë në ligjislaturën e parë të demokracisë 1991-1992, si dhe në legjislaturën pasardhëse 1992- 1996.
Lajmin e trishtë për ndarjen nga jeta të Emanuel Hebës e ka bërë me dije deputeti i Partisë së Lirisë, Petrit Vasili, përmes një postimi në rrjetet sociale. Vasili shkruan se Heba ishte një burrë fisnik, intelektual i vërtetë dhe lëvrues i thellë i shkencave veterinare.
“Ndahet nga jeta Z.Emanuel Heba deputet i Kuvendit te Shqiperise ne Legjislaturen e pare pluraliste 1991-1992 dhe Legjislaturen 1992- 1996.
Nje burre fisnik, intelektual i vertete dhe levrues i thelle i shkencave veterinare, vleresuar me Cmimin e Republikes si dhe i dekoruar Mjeshter i madh per kontributet e tij.
Shqiperia humb kesisoj te tjera vlera te vyera intelektuale, qytetarie shembullore dhe shoqerore.
Ngushellime familjes ne kete moment hidherimi. U prehte ne paqen e merituar!” – shkruan Vasili.
