Një grup me turistë kroatë u bllokuan këtë të shtunë në Majën e Jezercës, teksa ishin duke eksploruar terrenin e thepisur dhe malor.
Mësohet se 7 turistët janë lokalizuar dhe janë shpëtuar në rrugë ajrore. Lajmin e bën të ditur Ministri i Brendshëm, Taulant Balla i cili ka ndarë edhe pamje nga operacioni i shpëtimit të turistëve kroatë.
Sakaq bëhet e ditur gjithashtu se dy prej turistëve janë dërguar në qytetin e Bajram Currit, ndërsa të tjerët janë nisur drejt Malit të Zi.
“Prej disa orësh, Policia e Shtetit në bashkëpunim me Shërbimin e Urgjencës, Forcat e Armatosura dhe Repartin e Kërkim-Shpëtim të Republikës së Kosovës u përfshinë në një operacion të vështirë në malin e Jezercës, për t’i dhënë ndihmë një grupi aplinistësh që kishin hyrë nga territori i Malit të Zi dhe kishin mbetur të bllokuar në majën e Jezercës. Gjatë operacionit të kërkim-shpëtimit është bërë e mundur nxjerrja e trupit të pajetë i një shtetasje, e cila kishte humbur jetën si pasojë e rrëshqitjes në një zonë të thepisur dhe me borë. Pesë nga alpinistët kroatë të asistuar nga Shërbimi i Kërkim-Shpëtimit Malor të Kosovës, po kthehen tek e mjetet e tyre, në territorin e Malit të Zi. Dy turistë të tjerë u transportuan me ndihmën e helikopterit në qytetin e Bajram-Currit”, shkruan Balla në fb.
Sakaq kujtojmë se pak më herët një turiste kroate humbi jetën, pasi rrëshkiti nga Maja e Jezercës duke përfunduar në humnerë.
