Edon Zhegrova është padyshim njeriu i momentit te Lille, teksa me dopietën në ndeshjen direkte ndaj Lens, i dha skuadrës së tij tri pikë mjaft të rëndësishme.
Sulmuesi dardan shënoi nga një gol për çdo pjesë ndaj Lensit dhe tashmë Lille e sheh veten në zonën Champions të renditjes, pozitë të cilën dëshiron ta mbajë deri në fund të sezonit.
Nuk kishte dyshime për më të mirin e ndeshjes, që ishte pikërisht Zhegrova, i cili u vlerësua me notën e lartë 8.2 nga sajti i specializuar “SofaScore”. Natyrisht peshojnë dy golat, por edhe shumë momente interesante që 25-vjeçari krijoi gjatë qëndrimit në fushë për 77 minuta.
Edon Zhegrova ka shënuar 5 gola dhe ka dhënë 5 asiste në kampionat këtë sezon me Lille, teksa performanca e tij gjithnjë e në rritje po bie në sy edhe të klubeve të më mëdha europiane.
