Myrto Uzuni u grumbullua me Shqipërinë për dy ndeshjet miqësore, por u detyrua të largohej, për shkak të një dëmtimi dhe nuk luajti asnjë minutë.
Beratasi u rikthye në Spanjë për t’iu nënshtruar vizitave mjekësore, te skuadra e Granada-s.
Pas konsultave është mësuar edhe gjendja e Uzunit. Sulmuesi vuan nga një dëmtim kronik në këmbën e majtë dhe do të vazhdojë rikuperimin.
Nuk dihet ende se sa do të jetë periudha e rikuperimit dhe kur mund ta shikojmë lojtarin sërish në fushë, por është e sigurtë që disa ditë do të duhet të pushojë.
Kujtojmë se këtë sezon 28-vjeçari ka shënuar 9 gola me Granada-n.
