Toni Kroos do të vazhdojë që të jetë lojtar i Real Madrid. Mesfushori gjerman do të qëndrojë te ‘Los Blancos’ me të cilët do të rinovojë një kontratë 1-vjeçare, pra të vlefshme deri në fund të vitit 2025, pasi aktualja përfundon këtë verë.
Sipas ekspertit të merkatos, italianit Fabrizio Romano, bisedimet me Kroos dhe drejtuesve të Realit kanë shkuar majft mirë, teksa mbetet vetëm firma mbi letrën e bardhë. Paraqitjet e tij fantastike si me klubin spanjoll, ashtu edhe me kombëtaren e Gjermanisë, kanë bërë që madrilenëve t’u mbushet mendja për rinovimin.
Kujtojmë që Kroos është pjesë e Realit që prej korrikut të vitit 2014, kur u ble nga Bayern Munich për 25 milionë euro. Ndërsa këtë sezon me fanellën e ‘Los Blancos’ 34-vjeçari ka shënuar një gol dhe ka asistuar në 7 të tjerë, duke treguar që mosha është thjeshtë një numër.
