Policia e Tropojës ka proceduar penalisht 39-vjeçarin me iniciale V.P., pasi dyshohet se ka kanosur me armë gjahu dy kushërinjtë e tij.
Sipas asaj që njofton policia, ngjarja dyshohet se ka ndodhur për motive të dobëta.
Ndërkohë, është shpallur në kërkim 19-vjeçari F. N., banues në fshatin Peraj, pasi dyshohet se ka qëlluar me armë në ajër, me qëllim kanosjen, teksa shoqëronte 39-vjeçarin, në momentin e konfliktit.
“Pas njoftimit se në fshatin Mserr, një shtetas kishte qëlluar me armë, në ajër, specialistët e Seksionit për Hetimin e Krimeve të Komisariatit të Policisë Tropojë kanë organizuar punën dhe kanë mbërritur në vendngjarje, me qëllim zbardhjen e rrethanave. Për rastin u referuan materialet në Prokurori, ku nisi procedimi në gjendje të lirë për shtetasin V. P., 39 vjeç, banues në fshatin Peraj, pasi dyshohet se për motive të dobëta, ka kanosur me armë gjahu, 2 kushërinjtë e tij, shtetasit A. P., 38 vjeç dhe A. P., 37 vjeç. Më tej, u shpall në kërkim shtetasi F. N., 19 vjeç, banues në fshatin Peraj, i cili shoqëronte shtetasin V. P., në momentin e konfliktit, pasi dyshohet se ka qëlluar me armë në ajër, me qëllim kanosjen. Vijon intensivisht puna për lokalizimin dhe kapjen e 19-vjeçarit”, njofton policia.
