Moderatori dhe aktori Bes Kallaku ka konfirmuar publikisht ndarjen nga bashkëshortja e tij, këngëtarja Xhensila Myrtezaj.
Gjatë një bisede me fermerët, pas spektaklit të djeshëm të “Ferma VIP”, Besi e konsideroi Xhensilën si “ish-bashkëshorte”, teksa tregoi se dy fëmijët e tyre jetojnë me këngëtaren. Ai tha se djalin e sheh më rrallë sesa vajzën.
“Gocën e takoj më shpesh, djalin e shoh pak më rrallë sepse jetojnë me ish-bashkëshorten. Por mërzitem ndonjëhere se njeriut i ndodhin disa situata në jetë që nuk i ka pritur. Është pak e vështirë. E rëndësishme është që të jenë më mirë, të jemi falenderues se ndodh që nuk vlerësojmë ditët e mira” – tha aktori.
Besi gjithashtu rrëfeu se marrëdhënia e tyre ishte bërë e vështirë, duke e konsideruar Xhensilën “të huaj”.
“Jam në shtëpi me nusen e jemi si të huaj. E rëndësishme është t’i kesh mirë më shëndet. Këtë vlerësoj. O Zot faleminderit!” – u shpreh Besi.
