Dani Alves është zyrtarisht i lirë, edhe pse lirimi i tij është me kusht. Ish-mbrojtësi brazilian ka qëndruar prapa hekurave nga janari i vitit 2023.
Pasi kaloi gjithsej 14 muaj e 5 ditë burg, futbollisti brazilian, i dënuar me 4 vjet e gjysmë për përdhunimin e një vajze në banjot e lokalit Suton në dhjetor 2022, ka kaluar tashmë derën e Qendrës Penitenciare në Brians pasi gjykata i dha lirimin e përkohshëm me kusht.
Alves ka paguar 1 milionë euro për tu liruar me kusht, ndërkohë që kanë dalë pamjet e para nga momenti i lirimit të tij.
Braziliani do të qëndrojë në Barcelonë ku do t’i përgjigjet çdo thirrje të mundshme nga gjykata dhe policia spanjolle.
https://twitter.com/i/status/1772287761543835692
