Argjentina ka mposhtur El Salvador në ndeshjen miqësore mes tyre. Kampionët e botës në fuqi kanë triumfuar me rezultatin e pastër 3-0.
Sfida u zhbllokua nga Romero në të 16-ën dhe në minutën e 42-të Enzo Fernandes dyfishoi shifrat. Kështu u mbyll pjesa e parë.
Ndërkohë sfida u vulos në të 52-ën nga Lo Selso, mesfushori që luan tek Totenhemi. Me këtë triumf abicelestët tregojnë edhe njëherë që mund të fitojnë pa kapitenin e tyre, Lionel Mesi i cili është i dëmtuar dhe nuk mund të luante.
Miqësorja mes Perusë dhe Nikaragua u mbyll me shifrat 2-0.
