Një nga emrat më të njohur të futbollit është padyshim Sepp Blatter. Ish-presidenti i FIFA-s njihet për disa akuza të bëra ndaj tij në lidhje me korrupsionin në kohën kur ishte në krye të qeverisë së futbollit.
Por së fundmi ai ka folur për diçka që nuk ka të bëjë aspak me sportin.
Në një intervistë të dhënë për “Telegraph”, ish-presidenti i FIFA-s tregon një histori në kohën kur ai ishte në koma, pasi kishte kryer një ndërhyrje kirugjikale. Në rrëfimin e tij, Blatter thotë se kishte halucinacione, saqë ka parë edhe engjëjt.
“Kisha halucinacione në momentin kur nuk isha i ndërgjegjshëm. Pashë engjëj që erdhën për të më marrë me vete, por unë ju thashë që nuk isha gati dhe që nuk doja të ikja. Ata më thanë që duhej të vdisja pasi po më prisnin në parajsë, por unë refuzova. Kishte dhe zonja të veshura me të bardha që kujdeseshin për mua”, është shprehur Sepp Blatter.
