Një i ri është arrestuar nga Policia në Tiranë, pasi akuzohet se kanoste dhe shantazhonte nëpërmjet celularit një 21-vjeçare për t’i dhënë para.
Në pranga është vënë shtetasi Gerald Dragoti, 22 vjeç, banues në Elbasan. Ai është arrestuar për llogari të Policisë së Shkodrës, në bashkëpunim me shërbimet e S=stacionit të Policisë Farkë.
Gerald Dragoti është kapur në flagrancë në një vendparkim automjetesh në Tiranë në momentin që do të merrte shumën e parave nga 21-vjeçarja.
Autoritetet policore raportojnë se shuma e parave u sekuestrua nga uniformat blu si provë materiale.
Materialet procedurale i kaluan Prokurorisë së Shkodrës për veprime të mëtejshme.
