Partia Demokratike, në turin e takimeve për të kundërshtuar ligjin për zonat e mbrojtura, është ndalur sot në Shkodër.
Në tryezën e diskutimit, “Jo Betonizimit ne Zonat e Mbrojtura”, foli edhe ish-kryebashkiaku Bardh Spahia i cili u shpreh se zonat e mbrojtura janë të rrezikuara nga ligji i ri.
“Parashikohet të ndodhë katastrofe për shkak të ligjit të ri”, tha ai.
Deputetja demokrate Ina Zhupa tha se duhet të sensibilizohet publiku për dëmet që sjell ligji i ri. Ajo tha se ligjin për zonat e mbrojtura do ta çojnë në gjykatën Kushtetuese.
“Bëhet fjalë për oligarkë që do të ndërtojnë resorte me 5 yje. Që do t’i shërbejnë me demek për interes publik. Që nga gazi, apo nafta.”, tha ajo.
