Pas ekzekutimit me armë zjarri të Gentjan Bejtjas, policia ka shoqëruar Valter Bamin, për tu marrë në pyetje lidhur me krimin.
Valter Bami është akuzuar edhe për atentatin e korrikut ndaj Bejtjas, kur ky i fundit bashkë me dy fëmijët e mitur u plagosur, ndërsa mbeti i vrarë kunati.
Bami u arrestua pas atentatit të 4 korrikut 2023 ndaj Bejtjas në Larushkë të Krujës, ku u plagosën djemtë e Gentian Bejtes, 10 dhe 13 vjeç dhe u vra kunati i tij Ramazan Sino.
Valter Bami, u arrestua me 6 korrik 2023 për armëmbajtje pa leje dhe si i dyshuar për atentatin ndaj Bejtjas, pasi sipas prokurorisë në dorën e majtë të tij, i ishte gjetur një grimcë baruti. Sa i takon armës, në gjykatë ai pretendoi se ishte armë sportive të cilën e kishte marrë me leje dhe se e mbante që prej datës 20 tetor 2020, duke mohuar të kishte lidhje me atentatin. Prokuroria nuk provoi implikimin e Bamit në ngjarje, ndërsa gjykata vendosi lirimin e tij nga qelia.
Lexo edhe:
U kishte shpëtuar 3 atentateve, ekzekutohet ish-polici i burgjeve
