Garë e fortë edhe në Uefa Conference League, aty ku u përcaktuan katër çerekfinalet, por edhe gjysmëfinalet e mundshme pas shortit të hedhur këtë të premte në Nion të Zvicrës.
Buzëqesh Fiorentina, që do të sfidojë çekët e Viktoria Plzen, ndërkohë që Aston Villa do të ketë përballë Lillen e Edon Zhegrovës.
Goglat kanë nxjerr dhe një derbi të zjarrtë ballkanik, mes grekëve të Olympiacos dhe turqve të Fenerbahce, që do të ndiqet me interesim të madh, në dy “beteja” të ashpra. Çerekfinalja tjetër është Club Brugge-PAOK.
Ndërkohë, fituesi i çiftit Plzen-Fiorentina, do të gjejë në gjysmëfinale fituesin e çiftit Club Brugge-PAOK. Ndërkohë që ekipi që kualifikohet nga Aston Villa-Lille, do të përballet me fituesin e “derbit” ballkanik Olympiacos-Fenerbahce.
Çerekfinalet
CLUB BRUGGE-PAOK
OLYMPIACOS-FENERBAHCE
ASTON VILLA-LILLE
VIKTORIA PLZEN-FIORENTINA
Gjysmëfinalet
3-2 (Aston Villa-Lille/Olympiacos-Fenerbahce)
4-1 (Plzen-Fiorentina/Club Brugge-PAOK)
Çerekfinalet: 11 dhe 18 prill.
Gjysmëfinalet: 2 dhe 9 maj.
Finalja: 29 maj, AEK Arena, Greqi.
