Një shofer në Berat e ka pësuar pas manovrave të rrezikshme me automjet në rrugët e qytetit. Pas monitoritimit të kamerave ai është shoqëruar në komisariat dhe e kanë gjobitur me 60 mijë lekë të rinj. Gjithashtu i është pezulluar patenta.
Nga veprimet hetimore, rezulton se automjeti ishte me xhama të riveshur dhe pa kontroll teknik.
“Specialistët e Sektorit të Policisë Rrugore të DVP Berat, pas denoncimeve të bëra nga disa qytetarë, për një drejtues automjeti që kryente manovra të rrezikshme, gjatë qarkullimit në qytetin e Beratit, kanë organizuar punën për identifikimin e tij.
Si rezultat i monitorimit të kamerave të sigurisë dhe i kontrolleve në terren, është identifikuar dhe shoqëruar në Komisariat, drejtuesi, së bashku me automjetin me të cilin kryente manovra.
Shërbimet e Policisë Rrugore e kanë ndëshkuar drejtuesin e automjetit, me masën administrative 60 000 lekë të rinj, si dhe i kanë pezulluar lejen e drejtimit, në bazë të neneve 139, 72 dhe 79, të Kodit Rrugor.”– njofton policia.
https://www.youtube.com/watch?v=6hgztAFrFBQ&feature=youtu.be
