Tirana do të duelojë me Dinamon ditën e dielë, sfidë kjo e vlefshme për javën e 28-të të Superiores.
Kjo përballje do të startojë në orën 17:00 dhe vë përballë dy ekipet që do të luftojnë “dhëmb për dhëmb” për një vend në “Final – Four”.
Pas disa ndeshjesh që bardheblutë luajnë në “Elbasan Arena” si pritës do të rikthehen më në fund në “Air Albania”. Pikërisht në arenën kombëtare do të presin “Blutë”, ku sigurisht edhe prania e tifozëve pritet të jetë e lartë.
Diçka të tillë e ka zyrtarizuar klubi kryeqyetetas., ndërsa kanë zbuluar edhe axhendën e kësaj ndeshje.
Kujtojmë se aktualisht Tirana ndodhet në vendin e 5-të me 36 pikë, po aq sa Dinamo e vendit të 6-të, ndërsa kanë 1 më pak se Skënderbeu që ndodhet në vendin e 4-të në klasifikim, pozicion që të çon në “Final – Four”.
