Gazetarja Ilnisa Agolli ka prezantuar linjën e jetës së saj në “BBV” përmes së cilës i ka treguar më shumë publikut për veten e saj. Në rrëfimin e saj, Ilnisa u shpreh se vajzës i mungon figura e babait, pasi ajo nuk e ka takuar kurrë të atin, duke qenë se martesa e gazetares kishte zgjatur vetëm një vit.
Mirëpo pas kësaj deklarate, në rrjetet sociale kanë nisur të qarkullojnë disa foto ku vajza e Ilnisës, Anais shihet së bashku me babain e saj, duke hedhur kështu poshtë rrëfimin e Ilnisës, që i ati nuk e ka takuar kurrë vajzën e tij.
Pas komenteve të shumta në rrjet, ka ardhur edhe një deklaratë nga familjarët e Ilnisës.
“Nëse të njohësh prindin do të thotë vetëm dy foto deri në moshën 2-vjeçare dhe asgjë tjetër, asnjë kontakt, asnjë mbështetje, atëherë nuk paskemi kuptuar se çfarë është të jesh një prind“, shkruhet në një foto të postuar në profilin zyrtar të Ilnisës, ku shihet ajo së bashku me vajzën.
