35-vjeçari Jetnor Zhaboli, i cili mbylli gruan, nënën dhe vajzën në shtëpi, do të shtrohet në spitalin psikiatrik të Tiranës.
Në seancën gjyqësore të mbajtur sot, Gjykata e Tiranës ka vendosur ndryshimin e masës arrest me burg dhe shtrimin e 35-vjeçarit në spital.
Vendimi erdhi pas paraqitjes së ekspertizës mjekësore, e cila e përcaktoi se Jetnor Zhaboli nuk ka qenë i përgjegjshëm në kohën e kryerjes së veprimeve.
Zhaboli u arrestua pas denoncimit nga fqinjët për heqje të paligjshme të lirisë, teksa kishte instaluar në banesë kamera vëzhgimi me të cilat kontrollonte anëtarët e familjes.
