Tre shqiptarë të cilët kujdeseshin për një ‘shtëpi bari’ në Angli, janë zbuluar nga policia në një mënyrë jo të zakonshme.
Mediat britanike shkruajnë se ‘laboratori’ i drogës, me kanabis që kapte vlerën e mbi 1.5 milionë funtesh, ra në duart e policisë rastësisht, pasi përfaqësues të kompanisë energjetike shkuan për të marrë paratë e faturave energjetike që nuk ishin paguar.
Dritan Meta , 43 vjeç, Refik Skepi, 45 vjeç dhe Visar Elazaj, 38 vjeç, janë tre të arrestuarit të cilët tashmë do të përballen me autoritetet britanike.
Kompania e energjisë, SSE, dërgoi një përfaqësues në një pronë në Masons Road, Oxford, pasi nuk kishte paguar faturat e saj. Por me të mbërritur, ai pa bimë kanabisi kudo dhe më pas njoftoi policinë.
