Temperaturat e ulëta dhe reshjet e borës janë rikthyer në vend. Në zonat malore kanë shkaktuar vështirësi në qarkullim në akset rrugore në lartësinë mbi 1300 metra.
Reshjet e dëborës kanë zbardhur sërish malet në të gjithë vendin ndërsa më intensive kanë qenë në malësitë e Shkodrës dhe Malësisë së Madhe.
Për të mbajtur hapur rrugët Hani i Hotit Tamarë, Tamarë Vermosh dhe Bogë-Theth po punojnë dëborë pastrueset ndërsa po hidhet edhe kripë në rrugë.
Gjithashtu, ARRSH njofton se automjetet duhet të lëvizin me goma dimri ose me zinxhirë.
