Përkeqësimi i motit që pritet orët dhe ditët në vijim ka bërë që Kapiteneria e Përgjithshme të marrë masa për ndalimin e lundrimit të mjeteve të vogla lundruese dhe disa linjave të trageteve. Nga kjo e Shtunë deri të Hënën priten që dallgët të arrijnë nga 2.50 deri 4 metra dhe shpjetësia e erës deri 25-45m/s.
Kapitenieria ka njoftuar marrjen e masave “për sigurimin e mjeteve në port dhe rritje e gatishmërisë së ekuipazhit në mjetet lundruese”, duke përfshirë dhe ndalimin e lundrimit për mjetet e vogla nga e shtuna deri të hënën, si dhe disa linjave të trageteve ditën e diel.
Konkretisht, të dielën do të ndalohet lëvizja e anijeve pasagjere në linjat ndërkombëtare Durrës-Bari-Durrës dhe Vlorë-Brindisi-Vlorë.
Gjithashtu, ndalohet dhënia e lejes së nisjes gjatë datave 09-10 dhe 11 Mars duke filluar nga ora 17:00 datë 09.03.2024 për të gjitha mjetet e vogla lundruese dhe anijeve të peshkimit që operojnë përgjatë bregdetit shqiptar.
Ndërkohë, anijet e transportit ndërkombëtar detar për pasagjer dhe automjete në linjën Durrës-Bari-Durrës dhe Vlorë-Brindisi-Vlorë, ditën e shtunë, do të vazhdojnë të operojnë normalisht sipas destinacioneve përkatëse.
Trageti i linjës Durrës-Ankona-Durrës do të operojë normalisht ditën e dielë.
Ndërsa në lidhje me linjën Sarandë-Korfuz-Sarandë do të njoftohet ditët në vijim.
Përmirësimi i situatës hidrometeorologjike të përkeqësuar për mjetet e vogla lundruese dhe të peshkimit do të jetë pas orës 22:00 të datës 11.03.2024, thuhet në njoftim.
