Avokati i Princ Lekës, Aranit Roshi, është shprehur se video e sherrit me Elia Zaharian ishte spontane dhe e paplanifikuar. Ai tha se Princ Leka nuk jeton në pallatin mbretëror, por sipas tij, atje jeton vetëm Elia Zaharia me vajzën dhe anëtarët e tjerë të pallatit.
Roshi tha gjithashtu se Princi vetëm është munduar që përmes videove të dokumentojë dhunën e ushtruar ndaj tij.
“Çdo person ndaj të cilit ushtrohet dhunë fizike, gjëja e parë që bën është ta dokumentojë atë. Ka pasur edhe dëshmitarë të tjerë, por implikimi i personave të tjerë në këtë histori, mbëse është menduar se do të kishte qenë jo shumë korrekt.
Dëshmia është një mënyrë e të provuarit, ndërsa video është një provë më e fortë. Deklarimi që jep një person nuk mund të jetë aq i qartë sa pamjet vizive. Nuk ka pasur një konsultim, sepse çdo gjë ka qenë shumë spontane, veprimi dhe reagimi shumë spontan dhe nuk ka pasur asnjë moment tjetër dhune e përplasjeje.
Nuk pa pasur arsye të konsultohej dhe të merrte opinione. Në pallatin mbretëror nuk jeton Princi, por Elja me vajzën dhe anëtarët e tjerë të pallatit mbretëror”, tha Roshi “Good Morning Albanians” në Euronews.
