Mario Balotelli nuk di të ndalet kur bëhet fjalë për të qenë në qendër të vëmendjes.
Sulmuesi italian, i cili është rikthyer në formë dhe është bërë vendimtar me Adana Demirspor-in e tij pas një mungese të gjatë për shkak të një dëmtimi, ka publikuar këtë të mërkurë një video mjaft të veçantë në rrjetet sociale.
Në videon e filmuar brenda dhomës së zhveshjes së skuadrës turke, Mario shihet duke ndezur një kapsollë dhe më pas e hedh pak metra larg, duke trembur disi shokët e ekipit.
Një episod i ngjashëm ka ndodhur edhe 13 vite më parë, kur Balotelli luante për Manchester City-n dhe ndezi një fishekzjarr në shtëpinë e tij luksoze, e cila mori flakë, me italianin që u diskutuar gjatë në medie për veprimin e tij.
