Policia e Tiranës ka reaguar në lidhje me konfliktin mes princ Lekës, ish-partneres Elia Zaharia edhe babait të saj, Gjergj Zaharia. Blutë sqarojnë se për princ Lekën dhe Elia Zaharinë janë plotësuar kërkesë-paditë për urdhër mbrojtjeje të menjëhershme, ndërsa çështja i ka kaluar për hetime të mëtejshme prokurorisë së Tiranës.
Fillimisht, ka qenë Leka ai që është paraqitur në komisariatin 1 në Tiranë për të bërë kallëzim.
“Në Komisariatin e Policisë Nr. 1 është paraqitur shtetasi L.Z. (Leka Zogu), 42 vjeç, dhe ka kallëzuar se shtetasja E.Z. (Elia Zaharia), 42 vjeçe, dhe shtetasi Gj.Z. (Gjergj Zaharia), 71 vjeç, kanë ushtruar dhunë ndaj tij. I është marrë deklarim shtetases E.Z. (Elia Zaharia), e cila gjithashtu pretendon se është dhunuar nga shtetasi L.Z. (Leka Zogu). Për të dy këta shtetas janë plotësuar kërkesë paditë për urdhër mbrojtjeje të menjëhershme”, njofton policia.
“Materialet procedurale i kaluan Prokurorisë pranë Gjykatës së Shkallës së Shkallës së Parë të Juridiksionit të Përgjithshëm Tiranë, për veprime të mëtejshme”, thuhet më tej në njoftimin e bluve.
Në dëshminë e tij, princ Leka thotë se ka shkuar për të takuar vajzën e cila jeton në oborrin mbretëror me mamanë e saj, por aty është përballur fillimisht me ofendimet e ish-vjehrrit dhe me pas me dhune fizike ndaj tij.
