Ish-këshilltari i familjes mbretërore, Murat Basha duke folur mbi sulmin fizik ndaj Princ Lekës nga ish-bashkëshortja e tij Elia Zaharia dhe babai i saj, thotë se Princ Leka nuk do ushtronte kurrë dhunë.
“Jam i shokuar. E kam të vështirë, sidomos kur ka një femër. Më vjen keq për këtë që ka ndodh. Është diçka e parashikuar nga unë, këtu e 10 vite para. Di të them këtë, ai Princ Leka që njoh unë, e njoh që fëmijë. Është djali më i edukuar që mund të kem njohur në jetë, më gentelman karshi femrave, kurrë nuk besoj se arrin të konfrontohet fizikisht, nuk e përdor kurrë dhunën. Nuk besoj se ka ushtruar dhunë ndaj babit të Elias, babait. Mund të jetë diçka tjetër. Ka vajtur të takojë vajzën”, tha ai.
Ai thotë se marrëdhënia mes Princ Lekës dhe Elia Zaharisë nuk funksiononte prej gati dy vitesh. Murat Basha thekson se Princ Leka aktualisht jeton me qira dhe se pas përfundimtit të procesit të divorcit do vendoset në Pallatin Mbretëror. Ndërsa sa i takon Elia Zaharisë dhe vajzës, të cilat jetojën ende në Pallatin Mbretëror, më pas do të vendosen në një shtëpi tjetër, që sipas Bashës u është dhuruar nga Princi.
“Di që është problem i brendshëm, nuk janë përputhur, nuk janë shkuar. Prej dy vitesh nuk ka funksionuar. Ka shumë kohë që nuk banon në pallat, më pak se dy vite. Është larguar para se të flitej për divorcin. Ai është në shtëpi të tij, ka lënë ish bashkëshorten të jetojë në shtëpinë e tij dhe jeton me qira derisa të mbarojë divorci, është djalë i jashtëzakonshëm. Ai është jetim, gjeti mbështetje te bashkëshortja dhe një familje. Ai jeton jashtë oborrit mbretëror, deri ditën kur të zgjidhet dhe ajo të sistemohet në një banesë tjetër, që ja ka dhënë ky bashkë me një biznes.” – tha Murat Basha për Report tv.
Murat Basha ka deklaruar s e Princ Leka do të martohej me vajzën e Ibrahim Rugovës.
“Ideja ka qenë meqë Mbreti Leka ishte për bashkim kombëtar, ishte një mendim që ai të martohej me një vajzë nga Kosova dhe pikërisht me vajzën e doktor Ibrahim Rugovës”, tha ai.
