Një ngjarje e rëndë ka ndodhur pasditen e sotme në qytetin e Sarandës, ku një 22 vjeçare ka qëlluar me thikë bashkëshortin e saj për arsye ende te paqarta.
Policia sqaron se ngjarja ka ndodhur rreth orës 17:30 në lagjen nr.2, ndërsa 28 vjeçari i plagosur është nisur drejt spitalit për ndihmë mjekësore.
“Sot, rreth orës 17:30, në lagjen nr.2, në banesën e tyre, shtetasja A. Z., 22 vjeçe, dyshohet se gjatë një konflikti për motive të dobëta, ka goditur me mjet prerës, në zonën e shpatullës, bashkëshortin e saj, shtetasin L. Z., 28 vjeç, i cili aktualisht ndodhet në spital, jashtë rrezikut për jetën”,- njofton Policia.
22 vjeçarja është shoqëruar për veprime të mëtejshme proceduriale. Sakaq grupi hetimor vazhdon hetimet për sqarimin e plotë të rrethanave të ngjarjes.
