Janë publikuar pamje të reja nga shpërthimi që tronditi qytetin e Lushnjës pasditen e djeshme, ku shkaktoi dy viktima dhe shtatë të plagosur, si dhe dëme të shumta materiale.
Siç mund ta shihni dhe në videon e mëposhtme që po qarkullon në rrjetet sociale, e kapur nga një kënd i largët, shpërthimi ka krijuar valë të fuqishme goditjeje dhe një re të madhe tymi.
Ndërkohë, mëngjesin e sotëm, grupi hetimor është rikthyer në vendin e ngjarjes dhe po punojnë për të zbardhur shkaqet që çuan në këtë ngjarje të rëndë. Mësohet se kanë shkuar Inspektoriati Shtetëror, prokurorja e Fierit, inxhinierë të OSHEE, njësia anti-eksploziv dhe policia e Lushnjës.
Njëkohësisht një grup pune nga bashkia po përgatitet për të verifikuar dëmet në biznese dhe banesa.
Kujtojmë se shpërthimi u regjistruar rreth orës 15:30 të pasdites së djeshme në vendin e quajtur “Rreth-rrotullimi i Plastmasit”, në një kapanon në ndërtim në qytet dhe shkak u bë një incident.
Teksa një vinç, ku ndodheshin dy viktimat Roland dhe Elidon Hoxha, baba e bir, po ngrinte një bombol oksigjeni që do të përdorej në lartësi për të kryer saldime, maja e mjetit të hekurt ka hasur në telin përcjellës të tensionit të lartë e për pasojë bombola ka shpërthyer.
Viktimat:
Roland Hoxha
Elidon Hoxha
Të plagosurit që ndodhen aktualisht në Spitalin e Traumës:
Sokol Lumi
Deputeti i PS-së, Bujar Çela
Të plagosurit që ndodhen aktualisht në Spitalin e Lushnjes:
Sajmir Korreshi
Ilia Sota
Lunedi Golemi
Ervis Sharka
Eriget Gorovelli
