Rey Manaj po kalon një sezon fantastik në Turqi, teksa ka shënuar 14 gola deri më tani. Kjo formë e mirë ka bërë që të ketë një interesim i madh nga Besiktasi për të në ditët e fundit.
Klubi i Sivaspor i ka vënë një çmim prej 15 milionë eurosh kartonit të tij, por kjo shifër nuk shqetëson skuadrat që kërkojnë shërbimet e tij.
Për lojtarin ka pasur oferta të ndryshme gjatë muajit të kaluar, por një klub duket i vendosur më shumë se të tjerët për të çuar deri në fund interesimin.
Sipas mediave turke, Beshiktasi, në radhët e të cilit aktivizohen edhe Ernest Muçi me Milot Rashicën, po planifikon një tredhëmbësh plotësisht shqiptar për repartin e avancuar në edicionin e ardhshëm, duke i shtuar edhe Manajn.
Klubi e kishte piketuar sulmuesin që në janar, sidomos pasi e pa të shënonte pikërisht kundër bardhezinjve në kampionat.
Bëhet e ditur se drejtuesit e klubit kanë bërë gati që tani pikërisht shifrën prej 15 milionë eurosh për sulmuesin e Kombëtares, për të finalizuar transferimin e tij në verë.
