Në krizë për fuqi punëtore nuk janë vetëm bizneset në Shqipëri. Zbrazja e madhe e vendit nga hemoragjia e emigracionit ka krijuar një vakum të madh burimesh njerëzore edhe në administratën publike.
Pas 10 vitesh në pushtet “Rilindja” s’po gjen dot më as patronazhistë për t’i punësuar prandaj ka nisur shpalljen e njoftimeve publike për vende të ndryshme vakante.
Zv.kryeministrja Belinda Balluku madje shkon edhe më tej duke i reklamuar në faqet e saj në mediat sociale këto njoftime, me shpresën se do të ketë të interesuar.
Ngaqë e dinë se s’ka më njeri besim në “konkurset” e tyre pasi gjithmonë fituesit ishin socialistë e patronazhistë të paracaktuar, Balluku kujdeset që në njoftimet e saj të përbetohet edhe për “proces të drejtë e transparent”.
Pasi i dëboi shqiptarët në emigracion përgjatë 10 viteve, “Rilindja” kërkon njerëz me konkurs për punët e shtetit. Aq shumë kanë ikur nga Shqipëria sa tani s’kanë më as patronazhistë të tyre për t’i punësuar në administratë.
/LAPSI.al/
