Horoskopi, e enjte, 22 Shkurt 2024
Dashi
Do jeni shumë të përkushtuar me çdo gjë që do bëni sot dhe do jeni të vëmendshëm edhe ndaj detajeve. Jeta juaj në çift do mbrohet gjithë kohës nga yjet. Nuk do keni asnjë lloj mosmarrëveshjeje dhe do ndiheni plotësisht të qetë. Ju beqarët do merrni një propozim nga një person i njohur i cili do ua ndryshojë rrënjësisht jetën. Në punë do i keni idetë e qarta dhe do e dini mirë çfarë hapash të hidhni. Nuk priten aspak probleme dhe vështirësi. Gjendja e financave do fillojë të normalizohet pak sepse do i frenoni shpenzimet. Po menduat më shumë për të ardhmen gjërat do ju ecin për mrekulli.
Demi
Sot do keni aftësinë t’i shihni gjërat më qartësisht dhe do gjeni zgjidhje edhe për disa probleme që ju kishin dalë. Yjet do jenë të pozicionuar mirë për ju që jeni në një lidhje dhe ju do e shfrytëzoni çdo sekondë. Do përjetoni emocione dhe kënaqësi të veçanta. Ju beqarët nuk do i rezistoni dot tundimit dhe do filloni menjëherë një histori dashurie. Në punë, idetë e bashkëpunëtorëve do ju ndihmojnë tej mase. Do jeni edhe më kreative dhe më të guximshëm nga më parë. Në planin financiar situata do jetë goxha kontradiktore. Nuk do dini sa të shpenzoni që gjendja të mos ketë tronditje.
Binjakët
Për shkak të ndikimit të madh të Marsit dhe Saturnit ka mundësi të bëheni paksa egoistë gjatë kësaj dite. Kjo gjë ka për t’iu sjellë probleme. Për ju të dashuruarit do jetë ditë tejet e tensionuar kjo e sotmja. Nuk do merreni vesh për asgjë me personin që keni në krah dhe do keni debate të njëpasnjëshme. Ju beqarët do tregoheni të arsyeshëm dhe nuk do hidheni menjëherë në krahët e personit që do ju dalë para. Në punë do ju duket sikur dita nuk do ketë fund dhe do lodheni tej mase. Edhe minutat do ju duken orë prandaj do e shtyni kohën duke pirë kafe, duke shkuar në tualet dhe duke u ajrosur në ballkon. Në planin financiar gjendja nuk do jetë ashtu si e keni dashur.
Gaforrja
Mundohuni të jeni realistë sot dhe të mos ëndërroni shumë . Sektorit financiar kushtojini pak më shumë vëmendje. Ju të dashuruarit do keni një ditë rutinë dhe pa asgjë të veçantë. Merrini gjërat sa më shtruar. Ju që jeni beqarë duhet të tregoheni më të duruar në mënyrë që të gjeni personin e duhur. Gjërat e nxituara nuk do ju çojnë asgjëkund. Në punë, edhe pse nuk do ju kritikojnë, dijeni se të gjithë do i kuptojnë gabimet që do bëni. Eprorët do ju vështrojnë gjithë kohës dhe do shohin sjelljet tuaj prandaj tregohuni të kujdesshëm. Financat do jenë pika juaj më e dobët. Nuk do i rezistoni dot dëshirës për të blere gjëra luksoze dhe do shpenzoni pa fund.
Luani
Edhe pse planetët do ju bëjnë përgjithësisht të logjikshëm sot, shpesh do e humbisni besimin tek vetja dhe do ndiheni të pasigurt për të vepruar. Klima për ju të dashuruarit nuk do jetë aq e ngrohtë sa ju e kishit menduar. Në disa momente do keni edhe mosmarrëveshje me partnerin. Tregohuni sa më të matur. Ju beqarët do jeni të pavëmendshëm dhe nuk do përfitoni aq sa do doni nga ftesat që do iu bëhen. Në punë do ju duket gjithçka e vështirë dhe do mendoni se nuk mund ta arrini kurrë atë që ju kërkohet. Optimizmi do ju mungojë tërësisht. Financat nuk do jenë aspak problematike edhe pse do kryeni ndonjë shpenzim më tepër se zakonisht.
Virgjëresha
Gjatë kësaj dite nuk do jeni në humor të mirë dhe do influencoheni lehtësisht nga të tjerët. Shpesh do ndodheni edhe në situata delikate. Nëse keni në një lidhje do e kundërshtoni partnerin tuaj dhe do keni mosmarrëveshje të shumta me të. Kujdes sepse edhe durimi i tij e ka një kufi. Ju beqarët nuk do keni sukses në dashuri edhe pse do lëvizni çdo gur që të keni në dorë. Do ju duhet ende të prisni edhe pak kohë. Në punë, duke punuar në grup, keni për të pasur arritje më të mëdha. Do keni karakter të fortë dhe nuk do përthyheni para sfidave. Në planin financiar do jeni shumë të vëmendshëm dhe nuk do keni as tronditjen më të vogël.
Peshorja
Më mirë merrini gjërat si t’iu vijnë gjatë kësaj dite dhe mos bëni plane. Më mirë ashti sesa të zhgënjeheni e të mërziteni kur të mos ju realizohet ajo që doni. Për ju që jeni në një lidhje do jetë ditë shumë e paqëndrueshme kjo e sotmja. Herë do dashuroheni ashtu si vetëm ju dini dhe herë do debatoni fort me atë që keni në krah. Nëse jeni beqarë do filloni më shpejt nga sa mendoni një histori të bukur dashurie. Personi do jetë vërtet i veçantë dhe me shumë vlera. Në punë, detyrat e reja do ju duken aq të vështira saqë nuk do mendoni se do ja dilni dot. Për fat, pas mesditës. Marsi do ju bëjë t’i shihni gjërat me ngjyra. Të ardhurat do fillojnë të rriten me ritme më të shpejta nga sa ju mendonit.
Akrepi
Do jeni shumë më optimistë gjatë kësaj dite dhe Dielli do iu japë akoma më tepër energji. Nëse jeni në një lidhje nuk do keni aspak dyshime mbi partnerin dhe jeta do ju ecë si e kishit ëndërruar. Mund të provoni edhe kënaqësi dhe eksperienca të reja. Ju beqarët do i jepni më shumë prioritet se kurrë dashurisë dhe nuk do lini vend pa kërkuar princin e kaltër. Fati do jetë me ju. Në punë çdo gjë që keni pritur do ju realizohet më në fund. Do keni mbështetjen e pakushtëzuar të shefave dhe do merrni goxha përgëzime prej tyre. Për asnjë moment nuk do ndodhë asgjë e pakëndshme. Gjendja e financave do fillojë të ketë përmirësimet e para. Ja që sakrificat që keni bërë do japin rezultatet e shumëpritura.
Shigjetari
Nuk do jeni gjithmonë të logjikshëm gjatë kësaj dite dhe mund të bëni gabime që do ju kushtojnë. Nëse jeni në një lidhje do i jepni më shumë prioritet jetës suaj sentimentale duke lënë pas dore miqtë dhe familjarët. Sido që të jetë ata do ju kuptojnë. Pasioni do jetë i zjarrtë dhe emocionet të njëpasnjëshme. Ju beqarët do ndiheni shumë mirë me statusin që keni dhe as që do doni të bëni ndryshime. Në punë mjaft folët, por hyni sa më parë në veprim. Nga ana tjetër mundohuni të jeni edhe më të organizuar në mënyrë që t’i keni gjërat më të lehta për t’i zgjidhur. Në planin financiar fati do ju buzëqeshë dhe do i zgjidhni të gjitha problemet e mbetura pezull.
Bricjapi
Gjatë kësaj dite do dini t’i bëni me kujdes llogaritë dhe nuk do futeni aspak nëpër probleme. Mund të merrni edhe vendime shumë të rëndësishme. Për ju që keni një lidhje do ketë shumë momente të këndshme. Do merreni vesh për mrekulli me partnerin dhe nuk do keni aspak mosmarrëveshje. Ju beqarët do ndiheni më gati se kurrë për aventura sado që ato të zgjasin. Në punë do kërkoni një post të ri dhe falë gjithë arritjeve dhe rezultateve që keni pasur do ja dilni me sukses. Shefat do kërkojnë me çdo kush t’iu kenë në stafin tuaj. Në planin financiar do keni goxha vështirësi megjithatë me pak përkujdes do ja dilni mbanë. Disa familjarë do ju gjenden afër.
Ujori
Gjatë kësaj dite do keni nevojë t’i shihni gjërat qartë para se të hidhni hapa. Marsi dhe Neptuni do ju ndihmojnë mjaft në këtë plan. Nëse jeni në një lidhje duhet ta kontrolloni sjelljen sepse përndryshe do keni probleme me atë që keni në krah. Ju beqarët do keni një ditë të qëndrueshme dhe të mbushur me takime. Mund të ndiheni gati edhe për ta ndryshuar statusin. Në punë disa kolegë nuk do luajnë lojë të pastër kështu që në çdo moment duhet t’i bëni sytë katër. Do e keni shumë të vështirë të punoni në ekip. Në planin financiar nuk do keni aspak mbështetjen e yjeve dhe situata do mbetet tejet delikate.
Peshqit
Sado që të mundoheni nuk do mund të jeni të lumtur gjatë kësaj dite. Pjesën më të madhe të fajit e keni vetë dhe keni për ta zbuluar. Ju që keni një lidhje do jeni shumë xhelozë dhe kjo do e nxehë në disa momente atmosferën. Mirë është të qetësoheni e të flisni hapur dhe përballë me partnerin. Ju beqarët do jeni tërheqës dhe do merrni propozime pa fund. Në punë duhet të verifikoni çdo gjë para se të veproni në mënyrë që të mos përballeni me të papritura të pakëndshme. Mund të keni edhe vonesa që nuk do ju pëlqejnë aspak. Financat do mbeten ashtu si kane qenë. Të paktën do keni aq para sa për të kryesh shpenzimet më të domosdoshme.
