Një i ri është arrestuar në Tropojë për veprat penale “Prodhimi dhe shitja e narkotikëve” dhe “Mbajtja pa leje dhe prodhimi i armëve, armëve shpërthyese dhe i municionit”.
Burime zyrtare nga policia bënë me dije këtë të martë se në vendin e quajtur “Dubrava”, kanë ndaluar për kontroll automjetin me drejtues Rrustem Mulosmanin, në të cilin gjetën 1 armë zjarri pistoletë, muncion luftarak dhe një sasi lënde të dyshuar narkotike kanabis.
Më pas, gjatë kontrollit të ushtruar në banesën e 29-vjeçarit, efektivët gjetën një tjetër sasi lënde të dyshuar narkotike kanabis, 3 karikatorë dhe municion luftarak.
Pistoleta, municioni, droga dhe automjeti që drejtonte 29-vjeçari, u sekuestruan në cilësinë e provës materiale.
