Një shpërthim eksplozivi është regjistruar në orët e para të mëngjesit të së hënës në zonën e Vorës, në Tiranë.
Sipas të dhënave paraprake nga policia, lënda shpërthyese ishte vendosur pranë banesës së Elton Muçës, në fshatin Marikaj.
Nga shpërthimi nuk ka persona të lënduar, por janë shkaktuar dëme materiale.
“Rreth orës 05:55, është marrë njoftim se në Marikaj, Vorë, në portën e avllisë së shtetasit E. M., dyshohet se ka shpërthyer një sasi e vogël lënde plasëse. Si pasojë ka dëme të vogla materiale. Grupi hetimor po punon për sqarimin e rrethanave të ngjarjes, identifikimin dhe kapjen e autorit/ëve“, njoftoi policia.
Elton Muça, në dëshminë e dhënë për uniformat blu pas ngjarjes, është shprehur se nuk ka konflike me askënd.
