Një punëtor i bashkisë së Peqinit ka humbur jetë këtë të hënë gjatë një aksidenti në punë. Sipas një rindërtimi paraprak të ngjarjes nga autoritetet, 58-vjeçari Faik Rronci ishte duke krasitur pemë kur aksidentalisht është rrëzuar dhe më pas ka humbur jetën në spital.
Policia njoftoi se rreth orës 09:30, dyshohet se gjatë punës për krasitjen e pemëve në lagjen “Xhami”, është rrëzuar aksidentalisht punonjësi i bashkisë, Faik Rronci, 58 vjeç, banues në Peqin.
Si pasojë e dëmtimeve, ai ka humbur jetën, në spital, ndërsa grupi hetimor ndodhet në vendngjarje dhe po kryen veprimet hetimore për zbardhjen e rrethanave të ngjarjes, shtuan të njëjtat burime.
