Sulmuesi kuqezi Myrto Uzuni ka realizuar sot një gol në përballjen mes ekipit të tij Granada kundër Almerias. Sfida e vlefshme për javën e 25-ë në La Liga u mbyll në barazim 1-1.
Uzuni realizoi golin e barazimit në minutën e 75’ duke i dhënë 1 pikë me vlerë Granadas në luftën për mbijetesë. Beratasi shfrytëzoi një vertikalizim të bukur që i dha mundësinë të dilte vetëm me portierin duke çuar topin në rrjetë.
Ky është goli i shtatë i Uzunit këtë sezon në La Liga, ndërkohë që ka dhënë edhe një asist javën e shkuar kundër Barcelonës në barazimin 3-3.
