Adrian Koni është larguar nga drejtimi i Agjencisë së Administrimit të Pasurive të Sekuestruara dhe Konfiskuara (AAPSK) dhe në vend të tij është emëruar përkohësisht Idriz Haxhiaj.
Lajmin e konfirmojnë burime zyrtare nga Ministria e Brendshme, që ka nën varësi AAPSK.
“Pas dorëheqjes së ish-Drejtorit të Agjencisë së Administrimit të Pasurive të Sekuestruara dhe Konfiskuara (AAPSK) z.Adrian Koni, Ministri i Brendshëm ka prezantuar sot Drejtorin ri të Agjencisë, z. Idriz Haxhiaj. Prezantimi i tij është bërë në Ministrinë e Brendshme me prani të punonjësve të AAPSK-së. Ai do të drejtojë përkohësisht Agjencinë, deri në përzgjedhjen e drejtuesit të ri, i cili do të dalë nga një proces i hapur konkurrimi, sipas parashikimeve të ligjit “Për nëpunësin civil”. Z.Haxhiaj mban aktualisht detyrën e Drejtorit të Politikave të Rendit dhe Sigurisë Publike në Ministrinë e Brendshme”, thuhet në një njoftim të ministrisë.
Disa muaj më parë, shkarkimi i Adrian Konit u rekomandua nga Kontrolli i Lartë i shtetit. Pas një auditi në institucionin që Koni drejtonte, KLSH gjeti mangësia dhe shkelje të ndryshme ligjore.
