Një banesë në Malësi të Madhe është përfshirë nga flakët dhe për pasojë është lënduar një 61-vjeçare. Ngjarja ndodhi rreth orës 10:20 në fshatin Omaraj dhe dyshohet për shkak të një shkëndije elektrike.
“Rreth orës 10:20, dyshohet se për shkak të një shkëndije elektrike, ka rënë zjarr në banesën e shtetases A. M., 61 vjeçe, në fshatin Omaraj, Malësi e Madhe. Nga flakët është dëmtuar kjo shtetase dhe si pasojë po merr asistencë mjekësore në spital, ku është jashtë rrezikut për jetën.”, thuhet në njoftimin e policisë.
Grupi hetimor po punon për të dokumentuar me prova ligjore shkakun e ngjarjes.
