Paolo Tramezzani do të jetë trajneri i ri i NK Istra 1961 në elitën e futbollit kroat. Italiani i cili njihet edhe në Shqipëri, për shkak se ka qenë asistenti i De Biasit te Kombëtarja jonë, është rikthyer në Kroaci ku më parë ka drejtuar ekipin e Hajduk Split.
Përveç Kombëtares shqiptare dhe Hajduk Split, Tramezzani ka drejtuar edhe Luganon, Sionin, Apoel Nicosia, Livorno dhe Al-Faisaly. Teksa lajmin për emërimin e 53-vjeçarit si trajner të ekipit e ka bërë të ditur vetë Istra me anë të një postimi në faqen zyrtare.
“Paolo Tramezzani është trajneri i ri i FC Istrai 1961! Trajneri Tramezzani do të drejtojë ekipin e gjelbërt me ndihmësit e tij, Attilo Malfatti dhe Simone Ropamonti. Ai nënshkroi kontratë me klubin deri më 30.06.2025. Ne besojmë në suksesin e këtij bashkëpunimi. Mirë se na erdhe!”, shkruan Istra.
