Mesfushori me origjinë kosovare, Dion Kacuri është zyrtarisht pjesë e skuadrës së Basel-it.
Në një reagim në rrjetet sociale klubi zvicerian bën me dije se kanë transferuar mesfushorin 19-vjeçar nga Grasshoppers.
“Dion Kacuri po kalon nga Grasshopper Club Zurich në FC Basel. Ai ka firmosur kontratën deri në 2028-ën. Basel të mirëpret dhe të uron shumë suksese Dion”-shkruhet në reagimin e klubit të Baselit.
Kacuri ka firmosur me Baselin deri në verën e vitit 2028-të, teksa atje do të gjejë Taulant Xhakën dhe Benjamin Kolollin.
