Partia Demokratike ka njoftuar mbledhjen e Këshillit Kombëtar, pak ditë para protestës së thirrur më 20 Shkurt. Sipas njoftimit, Këshilli Kombëtar i PD-së do të mblidhet në datën 10 shkurt në orën 16:30.
Në mesazhin dërguar anëtarëve të Këshillit Kombëtar bëhet e ditur se në këtë mbledhje do të diskutohet rreth situatës politike në vend, por edhe aksionit opozitar, i cili do të kulmojë me protestën kombëtare të thirrur më 20 shkurt.
Kujtojmë që mbledhja e Këshillit Kombëtar të PD do të jetë pa praninë e kryetarit të partisë, Sali Berisha, pasi ky i fundit ndodhet në arrest shtëpie prej datës 30 dhjetor 2023.
