Qentë e rrugës në Kuçovë janë kthyer në problem për qytetarët, teksa nuk kanë munguar as sulmet e kafshëve ndaj tyre.
Problematiken e prek dhe Lefter Maliqi, i cili shpërndan në faqen e tij në FB foto nga lagjja “1 Maj”, ku shquhet një tufë me qen.
“Kuçova e të dënuarit Hajdari, pengut të ish fatorinos, Oligarkut Salillari, plot me qenë përveç plehrave”, shkruan Maliqi.
“Kështu është çdo lagje në Kuçovë. Tenderi qenëve abuziv, i denoncuar edhe nga ‘STOP’ në ‘TV KLAN’, ende pa u hetuar nga ‘SPAK’. Qentë një ditë do i shkojnë Hajdarit në zyrë, të rebeluar se populli po e duron këtë abuzues dhe të paaftë, që abuzon me taksat e tyre, me tendera korruptivë”, shton Maliqi.
“Së bashku të pastrojmë Bashkinë nga të paaftët; të pastrojmë rrugët nga plehrat dhe të sistemojmë e largojmë qentë, nga sheshet e lagjet e Kuçovës”, përfundon kandidati i opozitës për Kuçovën në lokalet e 14 Majit 2023.
