Huazimi i Armando Brojës nga Chelsea te Fulham ishte një nga transferimet më të bujshme në këtë merkato janari në Premier League.
Ylli i Kombëtares shqiptare, kërkon të shndërrohet në protagonist, falë potencialit dhe klasit që disponon.
Nuk kanë munguar elozhet për Brojën edhe nga shokët e rinj të skuadrës.
Mesfushori portugez Joao Palhinha, që është një ndër lojtarët më të rëndësishëm te Fulham, e ka konsideruar Brojën si një përforcim të madh.
“Armando Broja është një futbollist që do të na ndihmojë për të arritur objektivat që ne kemi këtë sezon.
Ai padyshim që është një përforcim i madh për ne dhe unë e shoh që është përshtatur shumë shpejt”, është shprehur mesfushori portugez.
