Teologu Miron Çako ka treguar nëse ekzistojnë hijet apo janë thjesht pjellë e imagjinatës sonë. Ky diskutim ka ardhur pasi moderatorja Erjola Doçi pati një moment delikat në “BBV” ku mes lotësh tha se i kanë bërë magji dhe sheh hije të cilat i bëjnë keq.
Teologu Çako shprehet se hijet ekzistojnë, por nuk janë shpirtrat e njerëzve të vdekur, por janë xhindet.
“Disa i thonë fantazma, disa i thonë hije, disa i thonë xhinde. Ekzistojnë, por duhet të dimë se çfarë janë. E para nuk janë shpirtra të vdekurish sepse në momentin kur vdes një njeri, teologjikisht trupi ndahet nga shpirti, trupi shkon në dhe sepse në dhe u mor dhe shpirti njerëzor shkon në dy destinacione. Nëse ai është një njeri besimtar dhe i drejtë, gjykohet nga Zoti dhe shkon në habitatin qiellor që rri me perëndinë, pra i themi parajsë. Në qoftë se është njeri i pabesë, mëkatar dhe ka vdekur si i tillë, ai shkon direkt në burgjet nën tokës që quhet bota e vdekjes. Shpirtrat e të vdekurve nuk qarkullojnë.”- tha teologu i ftuar në programin “Në shtëpinë tonë”.
I pyetur për rastin e Erjola Docit, teologu Miron Çako tha se nuk e njeh Erjolën personalisht, por duke e shpjeguar si fenomen ai shprehet mund të jetë një magji e zezë.
Përsa i përket yshtjes me kripë, teologu tregon se është një gjë e keqe, nuk e largon magjinë, por i futesh edhe më thellë.
Miron Çako: Si fenomen, ose i kanë bërë magji të zezë, ose je futur vetë në ato zona, je marrë vetë me okultizëm ose ka bërë një mëkat i madh.
Julka Gramo: Çfarë duhet të bëjmë ne që të mos na shfaqen, besimi në Zot po.
Alban Musa: Yshtja me kripë që u bë?
Miron Çako: Yshtja me kripë është prapë një rit magjik që në qoftë se ti e bën atë, nuk largohet por futesh akoma më thellë. Ajo që na ndihmon ne për mos t’i parë ato ose mos t’i ndjerë është…
Alban Musa: Ilnisa i ka bërë gropën asaj!
Miron Çako: Njerëzit nuk dinë. Si thonë, do të heqësh vetullat, por heq sytë. Duhet t’i lutesh Zotit që të të largojë xhindet.
