Mbrojtësi Hysen Memolla i dha fund aventurës me Egnatian, teksa do të vijojë karrierën në Rumani.
Mësohet se 31-vjeçari do të jetë pjesë e skuadrës së Chindia Târgoviște që militon në Ligën e Dytë rumune.
Momentalisht skuadra e re e Memollës renditet në vendin e 11-të me 21 pikë në 15 javë, me një diferencë –11 pikë nga kryesuesit e Selimbar.
Çindia drejtohet nga ish-trajneri Kukësit, Flamurtarit dhe Teutës, Dingo Longo.
Hapësirat e pakta te Egnatia, detyruan Memollën që të largohej nga skuadra e Superiores. Vlen të theksohet se mbrojtësi shqiptar ka një karrierë të pasur, teksa ka qenë pjesë edhe e Kombëtares A dhe është aktivizuar në 6 ndeshje.
Verona, Hajduk Split, Salernitana, janë disa nga klubet e rëndësishme me të cilat Memolla është aktivizuar vite më parë.
