Armando Broja u largua nga Chelsea në orët e fundit të merkatos. Suomuesi shqiptar kaloi në formë huazimi te rivalët lokalë të Chelsea-t, te Fulhami.
I pyetur në lidhje me këtë transferim, Rio Ferdinand ka thënë për “TNT Sports” se Broja ka bërë mirë në çdo huazim që ka pasur në karrierë.
Për këtë arsye ish-mbrojtësi i Manchester United-it është i mendimit se Fulhami ka kryer një marrëveshje mjat të mirë.
“A është Broja një biznes fantastik për Fulhamin? Ai mund të jetë. Ata nuk e kanë pasur Mitrovicin dhe nuk kanë mundur ta mbushin atë boshllëk. Sa herë që del në huazim, Broja, ka bërë mirë. Te Southampton ai ishte vërtet i mirë atje dhe mendoj se ata do të donin ta merrnin në formë të përhershme. Fulham mendoj se ka bërë një biznes shumë të mirë me të”, ka deklaruar Rio Ferdinand.
