Dinamo nuk ka ndërmend të ndalet në këto merkato. “Blutë” kanë arritur të zyrtarizojnë afrimin e radhës.
Pasi i mori Klevi Qefaliajn disa ditë më parë, sot Dinamo “plaçkit” sërish te Tirana dhe merr Ballhysën.
Leo Ballhysa është futbollisti më i ri i “Nëndetëses”, i cili është prezantuar nga klubi ditën e sotme. 19-vjeçari kalon nga skuadra e Tiranës së të rinjve te Dinamo për pjesën e mbetur të sezonit dhe do të jetë nën urdhrat e Dritan Mehmetit.
“FC Dinamo City njofton zyrtarizimin e sulmuesit Leo Ballhysa.
Talenti 19-vjeçar është lojtari më i ri i skuadrës tonë dhe shihet si një investim i klubit për të ardhmen.
Ballhysa e ka nisur me futbollin e luajtur me të rinjtë e Shkumbinit, për të kaluar më pas edhe me akademitë e FC Pepa dhe KF Elbasanit. Në skuadrën tonë ai vjen pas eksperiencës me KF Tiranën, ku spikati me paraqitjet e tij me ekipin e të rinjve”, ka shkruar “Nëndetësja”.
