Partia Demokratike ka reaguar në lidhje me vendimin e djeshëm të Gjykatës Kushtetuese, e cila vendosi pro kryeministrit Edi Rama për marrëveshjen e nënshkruar nëntorin e vitit të kaluar me homologen e tij Gergia Meloni, duke i hapur rrugë strehimit në vendin tonë të mijëra refugjatëve nga vendet e Afrikës që kapen në brigjet italiane.
Deputetja e PD-së, Lindita Metaliaj, përmes një deklarate për mediat nga selia blu u shpreh se me këtë vendim Gjykata Kushtetuese shpallin faktuin se është pro kryeministrit Edi Rama dhe kundër Shqipërisë. Sipas saj, Gjykata Kushtetuese edhe Edi Rama janë nga i njëjti stof, që vënë interesat, favoret dhe lidhjet politike mbi ato kombëtare.
Metaliaj shtoi më tej se Gjykata Kushtetuese nuk arriti t’i mbronte shqiptarët, dhe as refugjatët afrikanë, aq sa edhe gjykata britanike e cila vendosi që shqiptarët dhe azilantët e tjerë të mos dërgoheheshin në kampet e Ruandës, duke e konsideruar shkelje të të drejtave të njeriut.
Deputetja demokrate deklaroi më tej se me anë të asaj marrëveshje dorëzohet sovraniteti dhe territori një vendi tjetër dhe sipas saj, Kushtetuesja, si Noter i regjimit të Ramës, vulosi me turp një pakt të tillë. Metaliaj u shpreh se ky precedent i rrezikshëm mund t’i hapë rrugë kampeve të tjera në Shqipëri
DEKLARATË PËR MEDIA E DEPUTETES SË PD, LINDITA METALIAJ
Gjykata Kushtetuese shpalli dje faktin se është pro Edi Ramës dhe kundër Shqipërisë. Pro Edi Ramës nën qeverisjen e të cilit kanë ikur me qindra mijra shqiptarë, duke e kthyer Shqipërinë në një vend eksportues të emigracionit dhe tani importues të refugjatëve të luftës dhe te krizave te reja. Gjykata Kushtetuese nuk arriti t’i mbronte shqiptarët, dhe as refugjatët afrikanë, aq sa edhe gjykata britanike e cila vendosi që shqiptarët dhe azilantët e tjerë të mos dërgoheheshin në kampet e Ruandës, duke e konsideruar shkelje të të drejtave të njeriut.
Gjykata Kushtetuese edhe Edi Rama janë nga i njëjti stof, ata vënë interesat, favoret dhe lidhjet politike mbi ato kombëtare.
Gjykata Kushtetuese deklaroi dje se Protokolli midis Ramës dhe Melonit qenka në pajtim me Kushtetutën, duke hapur rrugën e ratifikimit nga Kuvendi te marreveshjes që i dorëzon territor dhe sovranitet një vendi tjetër, edhe pse mik i Shqipërisë.
Rama ka vendosur qe dy zona ne Lezhe t’ja jape ne “perdorim” pa kundërshpërblim, me afat deri ne 10 vite shtetit Italian, dhe dje Gjykata Kushtetuese, si Noter i regjimit te Edi Rames, vulosi me turp nje pakt te tille.
Sipas Gjykatës, Protokolli nuk cakton kufij territorialë dhe nuk ndryshon integritetin territorial të Shqipërisë. Ne fakt, ky Protokoll e prek sovranitetin sepse “Pakti” Rama-Meloni eshte nje marreveshje e negociuar fshehtas, pa transparence, pa marre plotefuqine nga Presidenti i Republikes, pa pyetur banoret e Qarkut Lezhë apo grupet e interesit. Në zonat e caktuara ne marreveshje, nuk do zbatohet ligji Shqiptar, ndaj nje marreveshje e tille nuk mund te lidhej ne emer te Qeverise, por duhej nenshkruar “ne emer te Republikes”, duke perfshire Presidentin.
Nga ana tjetër, Gjykata nenvizoi se në dy zonat në Qarkun Lezhë ku parashikohet të veprojë Protokolli, zbatohet e drejta shqiptare, përveç të drejtës italiane, duke pasur një “juridiksion i dyfishtë sa u takon lirive dhe të drejtave të njeriut, ku juridiksioni italian nuk përjashton juridiksionin shqiptar”. Kjo nuk është aspak e vërtetë !
Në Protokoll parashikohet qartazi se, brenda zonave do të zbatohet eksluzivisht juriksioni Italian, pra ligji Italian. Kjo do te thote se ligji Shqiptar nuk do te gjeje zbatim në hapesirat e kampeve te refugjateve nga Afrika apo Azia qe do te vijnë në Qarkun Lezhë. Per ngritjen e kampeve, ne Protokoll parashikohet se nuk do te kerkohet “leje ndertimi sipas legjislacionit shqiptar”. Po ashtu, as personeli i huaj qe do te hyje ne kampe nuk do t’i nenshtrohet ligjeve shqiptare, sa i takon lejeve te qendrimit te tyre, te drejtes se punes, madje do te kene perjashtime nga ligjet shqiptare edhe sa u takon mjeteve financiare, taksimit apo kufirit maksimal te valutës qe mund te hyje e te dale lirisht nga keto zona.
Ky precedent i rrezikshem mund t’i hape rruge kampeve te tjera ne Shqiperi duke e shnderruar Shqiperine e njëmijë halleve dhe krizave, ne nje qendër të madhe të përpunimit të refugjatëve.
