Jesé Rodriguez, një sulmues që në karrierën e tij ka veshur edhe fanellat e Real Madridit dhe Sampdorias, aktualisht lojtar i lirë, ka dhënë një intervistë për Marca, duke folur për situatën e tij:
“Ndihem dhe do të ndihem gjithmonë si futbollist. Askush të mos dyshojë qe jam dhe do te vazhdoj te jem futbollist. Kam kater jave qe stërvitem nga e hëna ne te premte ndonjehere te shtunen me dy seanca, pergatitje dhe pritje ne merkato. Kisha dicka por nuk doja te merrja vendime te nxituara. Do të doja të arrija në një vend ku të kem stabilitet, ku mund të luaj rregullisht.
Nëse do të kisha atë vazhdimësi që kërkon çdo futbollist, jam i sigurt që do të bëja siç kam bërë në vende të tjera. të jem në Spanjë, pranë familjes time”.
Jeni të etur për të qenë pjesë e një ekipi? “Sigurisht. Më mungon të luaj futboll, të jem në dinamikë grupi, me shokët e mi…”.
Çfarë i mungon Jese për t’u ndjerë si lojtar? “Të jem në një vend që më jep mundësi dhe vazhdimësi. Sapo ta kem atë, do tregoj vlerat. Jesé duhet të jetë në një vend ku ai ka një projekt të mirë, dhe nëse është në Spanjë, aq më mirë. Nëse është jashtë, do të jetë një sfidë tjetër siç e kam pasur më parë. Ajo që më duhet është të luaj.”
Çfarë i ofron ekipit që do ta blejë? “Profesionalizëm qind për qind i përditshëm, eksperiencë në ekipe dhe vende të ndryshme, sisteme të ndryshme loje me trajnerë me ide shumë të ndryshme dhe mbi të gjitha, të jesh një shok skuadre i mirë që e di se çfarë do të thotë të fitosh. Unë jam fitues dhe ajo që më pëlqen është fitojë. Kush më jep mundësinë nuk do të pendohet”.
